ჯადოქრის პირამიდა

ამჯერად, ჩვენ განვიხილავთ ჯადოქრის გზაზე ისეთ მნიშვნელოვან კომპონენტებს, როგორიცაა ჯადოქრის პირამიდის ელემენტები. რა არის ეს? ჯადოქრის პირამიდა არის ნებისმიერი ჯადოქრის ცხოვრებაში ოთხი მთავარი წესის ტრადიციული სახელწოდება. ეს წესები, თუ დაიცავთ, დაგეხმარებათ თქვენი ძალის განვითარებაში და მაგიის სამყაროში ძლევამოსილების მიღწევაში. ისევე, როგორც პირამიდას ოთხი მხარე აქვს, ჯადოქრის პირამიდასაც აქვს ოთხი კომპონენტი: ნება, რწმენა, წარმოსახვა და საიდუმლო.

არსებობს პირამიდის მეორე ვერსია: ცოდნა, სურვილი, გამბედაობა და უნარი. ამ ორი ვერსიის ერთად გამოყენება, გაძლევთ „ხელში ყველა კარტს“ და ყველა ჯადოსნური რიტუალი და მოქმედება გაცილებით ადვილი ხდება.

მოდით განვიხილოთ, თუ რატომ არის პირამიდების წესების დაცვა ასე მნიშვნელოვანი.

პირველი პირამიდა: ნება, რწმენა, წარმოსახვა, საიდუმლო

პირველი - პირამიდა უფრო მნიშვნელოვანია თქვენი ძალების განვითარების თვალსაზრისით. მეორე - ვითარდება პრაქტიკის საშუალებით, მაგრამ მასაც ქვემოთ განვიხილავთ. პირველი პირამიდა სერიოზულად უნდა იქნას აღქმული და გამოყენებული თქვენს ცხოვრებაში. თუ ამ ინფორმაციას თეორიულად უგულებელყოფთ, შეიძლება ინანოთ, რომ დროულად არ ისარგებლეთ, ამიტომ იყავით ძალიან სერიოზულები!

წარმოსახვა. პირველი, რასაც ჯადოქარს გასწავლიან, წარმოსახვის განვითარებაა. ვიზუალიზაცია მაგიის მამოძრავებელი ძალაა. მედიტაციის თავში თქვენ უკვე შეხვდით ვიზუალიზაციის კონცეფციას და ივარჯიშეთ თქვენი წარმოსახვის განვითარების ტექნიკაში. რადგან პირამიდის ამ ასპექტი უკვე იცნობთ, მასზე აღარ შევჩერდებით. მხოლოდ იმას ვიტყვი, რომ თქვენს ჯადოსნურ ცხოვრებაში წარმოსახვა ნებისმიერი რიტუალის მთავარი ნაწილია. სწორად განვითარებული წარმოსახვა, რომელსაც თქვენი ნება უჭერს მხარს, რიტუალურ ინსტრუმენტად იქცევა.

ნება. ნებისყოფა არ არის უბრალოდ თქვენი უნარი, მიაღწიოთ მიზანს, უგულებელყოთ დაბრკოლებები - ეს არის მონდომება. ეს ასევე არ არის ცდუნებასთან გამკლავების უნარი - ეს, სინამდვილეში, თვითკმაყოფილებაა. მაგიის სამყაროში ნება არის განზრახვა, გქონდეთ, მიაღწიოთ, მიიღოთ. ეს არის თქვენი სულის ნამდვილი განზრახვა, როდესაც უბრალოდ აპირებთ და მოქმედებთ. ეს არის ჯადოქრის ნება.

ძველ დროში სრულდებოდა პატარა რიტუალი, სახელწოდებით „ნების ძიება“, რომელიც ადამიანს საშუალებას აძლევდა გაეღვიძებინა თავისი შინაგანი ნებისყოფა. გირჩევთ, ამ ტექნიკის შესრულებით უძველესი გზებით იხელმძღვანელოთ.

ასეთი ძიების განსახორციელებლად, თქვენ უნდა აირჩიოთ თავისუფალი დღე, როდესაც შეგიძლიათ დაუთმოთ მთელი დრო თქვენს რიტუალს. დატოვეთ სახლი ნებისყოფის პოვნის მიზნით (მისი მოპოვების განზრახვით). განზრახვა ნიშნავს წასვლას, პოვნას და მის აღებას.

ესპრაქტიკული მეცადინეობა შეიძლება ბევრს სასაცილოდ მოეჩვენოს, მაგრამ ასეთი ფორმით ყველაზე სწრაფად და მარტივათ შეძლებთ საკუთარი ნებისყოფის გამომუშავებას და პოვნას. აირჩიეთ მიმართულება და უბრალოდ იარეთ. იარეთ იქამდე, სანამ არ იგრძნობთ დაღლილობას. როდესაც დაიღლებით თქვენ უკვე ხართ თქვენი მიზნის ნახევარ გზაზე მისული. განაგრძეთ სიარული; შეგიძლიათ მიმართულების შეცვლა, მაგრამ უმჯობესია სტაბილურად იაროთ ერთი მიმართულებით. როდესაც ძალიან დაიღლებით, რომ გსურთ დაჯდომა და თქვენი ფეხები აღარ გემორჩილებათ, მაინც შეეცადეთ სიარულის გაგრძელება, ხოლო როდესაც თქვენი ძალა ამოიწურება, დახედეთ თქვენს ფეხებს და მიწაზე აიღეთ ის პირველი კენჭი, რომელიც თქვენს ყურადღებას მიიპყრობს - ეს იქნება თქვენი შეხსენება იმისა, თუ როგორ იარეთ თქვენი ნების მისაღწევად.

უთხარით საკუთარ თავს: „მე ვიპოვე ჩემი ნება! დაე იყოს ასე!“ შეგიძლიათ ცოტა დაისვენოთ და შემდეგ დაბრუნდეთ სახლში. იდეალურ შემთხვევაში, თქვენ უნდა დაბრუნდეთ სახლში შესვენების გარეშე, იმით გახარებული, რომ გამოიღვიძა თქვენმა ნებისყოფამ. ყოველ ჯერზე როდესაც დახედავთ ამ კენჭს, ეს შეგახსენებთ იმას რაც გააკეთეთ.

ამიერიდან, თქვენი ნება თქვენი რიტუალის ძალაა; ის ენერგიის დამატებითი მუხტივითაა, რომელიც თქვენს განზრახვას სივრცესა და დროში ატარებს.

რწმენა. საკუთარი თავისა და თქვენი შესაძლებლობების რწმენა მაგიური პრაქტიკის აუცილებელი ნაწილია. „რწმენის გარეშე რწმენაც კი არ არსებობს“, - ამბობს ანდაზა.

ეს ასევე ეხება მაგიას: საკუთარი თავის, თქვენი ძალებისა და შედეგის რწმენის გარეშე, ყველა ძალისხმევა „უშედეგოა“. რაც არ უნდა ძლიერად ურტყამდეთ თავს კედელს, თუ გულის სიღრმეში არ გჯერათ საკუთარი თავის, მხოლოდ იღბალს შეგიძლიათ დაეყრდნოთ. რაც არ უნდა მცირე იყოს ჯადოქრის პირადი ძალა, ის ყოველთვის ენდობა მას, როგორც დონ ხუანმა თქვა. ამიტომ, აზრი არ აქვს წუწუნს, ირწმუნე და მოგეცემა.

საიდუმლოება - პირამიდის წინა ასპექტებთან შედარებით არანაკლებ მნიშვნელოვანია, გირჩევთ, რომ თქვენი მაგიური პრაქტიკა საიდუმლოდ შეინახოთ. რაც უფრო მეტმა ადამიანმა იცის თქვენი მაგიური შესაძლებლობების შესახებ, მით უფრო ნაკლები კონტროლი გაქვთ მათზე. თუმცა, გასაჯაროება ისეთი საშინელი არ არის, როგორც იმის თქმა, რომ რიტუალის ჩატარებას გეგმავთ. გაითვალისწინეთ, რომ ამის შემდეგ თქვენი რიტუალი წარუმატებლობისთვისაა განწირული. რატომ? ყველა ქვეცნობიერად (და ზოგიც შეგნებულად) გავლენას ახდენს თქვენზე და თქვენს სამყაროზე. როდესაც მათ თქვენს გეგმებს გაუმხელთ (ეს მხოლოდ მაგიას არ ეხება), ისინი მაშინვე გააძლიერებენ, შეასუსტებენ ან თუნდაც გაანადგურებენ თქვენს იდეას, ისე, რომ მათ თქვენს გეგმებზე ფიქრიც კი არ შეუძლიათ. უბრალოდ მოსმენა საკმარისია და ქვეცნობიერი თავის საქმეს გააკეთებს. ის (ქვეცნობიერი) ისეა შექმნილი, რომ მას შეუძლია ენერგიის მიმართვა იქ, სადაც თქვენი ყურადღებაა მიმართული. თქვენ უყურებთ ტელევიზორს, ოცნებობთ, ვინმეს საყვედურობთ, სპორტით ხართ დაკავებული - ენერგია ყველგან იხარჯება. როდესაც ვინმეს უსმენთ, თქვენი ენერგია მათკენ არის მიმართული. არსებობს ენერგეტიკული ვამპირიზმის სახეობა, როდესაც ვიღაც მუდმივად გიჩივით, გეწუწუნებათ, გიყვება თავის პრობლემებზე და მათი მოსმენით, თქვენ მათ თქვენი ენერგიის დიდ ნაწილს უზიარებთ, ამიტომ, შეინარჩუნეთ საიდუმლოება!

მეორე პირამიდა: ცოდნა, სურვილი, უნარი, გამბედაობა

ცოდნა. პირამიდის ეს ასპექტი ამბობს: „ცოდნა ძალაა“ ან „ცოდნა = ძალა“. რაც უფრო მეტი ცოდნა გაქვთ კონკრეტულ სფეროში, მით უფრო ძლიერი ხართ მასში და ამ ცოდნის პრაქტიკაში გამოყენებით, თქვენ მრავალჯერ გაზრდით თქვენს პირად ძალას! იგივე კანონი მოქმედებს საპირისპირო მიმართულებითაც: „ძალა = ცოდნა“, რაც ნიშნავს: რაც უფრო მეტი პირადი ძალა გაქვთ, მით უფრო სწრაფად აითვისებთ (და მიიღებთ სასურველს ფაქიზი სამყაროებიდან) ახალ ცოდნას. ისწავლეთ თეორია - ეს მაგიის არანაკლებ მნიშვნელოვანი ნაწილია, როგორც პრაქტიკა!

სურვილი. თქვენი სურვილი უნდა იყოს თქვენი და არა გარედან თავსმოხვეული. თუ რამე გსურთ, დაფიქრდით, ხომ არ არის ეს სურვილი სხვის მიერ თავსმოხვეული; შესაძლოა, თქვენც კი ქვეცნობიერად ტრანსლირებთ სხვის სურვილს. თქვენი სურვილები მხოლოდ თქვენი უნდა იყოს! თუ ნამდვილად გსურს ის, რაც გინდა, გექნება ან მიაღწევ.

იცოდე როგორ. „შეუპოვრობა და შრომისმოყვარეობა ყველაფერს გადალახავს“. ივარჯიშე, ივარჯიშე, ივარჯიშე. არ აქვს მნიშვნელობა, წარმატებული ხარ თუ არა; მთავარია, რამდენ დროს უთმობ მაგიის პრაქტიკას. აქ მთავარია, არ გახდე „მანიაკალური ჟინით შებყრობილი, არც ფანატურად დამოკიდებული“ და არ იმეოროთ შელოცვები მთელი დღის განმავლობაში. დაუთმეთ მხოლოდ დღეში რამდენიმე საათი, პლუს თეორიული შესწავლაც საკმარისი იქნება და მოკლე დროში საოცარ შედეგებს მიაღწევ.

ნუ აიღებ სხვის პროექტებს, თუ ადრე არ გივარჯიშია მაგიის ის ფორმა რაც თქვენთვის ნაცნობია. მაგალითად, თუ გთხოვენ, დაეხმარო ვინმეს ბიზნესში წარმატების მიღწევაში და არ იცნობ ფულის მაგიას ან უბრალოდ არ გქონია შანსი, ივარჯიშო ასეთი შელოცვებისთვის, მაშინ უმჯობესია არ აიღო პროექტი, თორემ ჩავარდები. გამოცდილება ნიშნავს უნარს. ხოლო უნარი ნიშნავს დადებით შედეგებს!

გაბედე. ყოველთვის წინ იარე. არ გაჩერდე და უკან არ გაიხედო. წარსული წავიდა, მომავალი ჯერ არ დამდგარა.

ერთადერთი, რაშიც შეგიძლიათ დარწმუნებული იყოთ, არის აწმყო, რომელიც მხოლოდ ერთი წამით არსებობს და მაშინვე წარსულად იქცევა. იცხოვრეთ აწმყო მომენტით, მაგრამ ყოველთვის იყავით მოძრაობაში. ეს არ ნიშნავს, რომ სადმე წასვლა გჭირდებათ. თქვენ უბრალოდ მუდმივად უნდა იყოთ აქტიური და დაკავებული იყოთ საქმით (ფიზიკური, ინტელექტუალური თუ მაგიური) - ყოველთვის კარგ ფორმაში იყავით. ამ გზით, თქვენ სწრაფად მიაღწევთ ნებისმიერ დასახულ მიზანს.

© Magamon Dagon

#მაგია #შავიმაგია #თეთრიმაგია #რიტუალები #მკითხაობა #სპირიტიზმი #თილისმები #დამცავირიტუალები #ამულეტები #დემონები #ანგელოზები #სულები #არხონტები #კაბალა #შამანიზმი #ვუდუ #ჯადოები #წყევლა #ავითვალი #მთვარისდღეები #მთვარისკალენდრი #ლოცვები #ჯადოსმოხსნა #წყევლისმოხსნა #ვიდეოგაკვეთილები #ონლაინრიტუალები #პარანორმალურიმოვლენები #რუნები #დამწერლობები #ყველაფერი #magamon #magamondagon #magamonmassimodagon #all #global #world